【头条独家】为娱圈发展打好基础冯盈盈望新一年进修演技

2019-12-26 19:30

冯盈盈最近获邀为马会宣传2020年的「好运1月1」赛马日活动，她预告到时会带埋家人入马场，顺便投注碰碰运气，发返个新年财。讲到新一年愿望，盈盈希望上堂努力进修演技，因她今年搵老师学好粤语改善懒音及咬字相当有成效，更明白要在这行好好发展，不断学习打好基础永远是最佳方法。撰文：杜淑霞摄影：李维隆发型：Tonnis Lee@HAiR 化妆：Carmen WongWM@Carmen W Makeup 场地：沙田马场

盈盈自言大学时做过马会兼职，相信到时「好运1月1」对投注方面有一定帮助，「我嗰时负责宣传个投注Apps，所以对呢方面都有啲认识，识得点用个Apps帮手投注，加埋嗰时做兼顾仲认识咗啲专家，希望到时可以攞啲贴士，发个新年财。」

搵老师学好粤语
19年快将结束，盈盈坦言这年有不少演出机会，朝住好方向发展，她更自爆有搵老师学好粤语，「入行后不时畀人话咬字同懒音嘅问题，于是扚起心肝搵咗好尊敬嘅前辈报幕罗山先生上堂，虽然学咗时间唔系好长，但真系获益良多，大家真系听得出我有改善，同埋学完后都有个传承粤语嘅责任。」盈盈坦承未学好粤语前唔知改变咁大，令她决定未来一年继续学习，「希望新一年令自己根基再稳啲，始终自己演戏唔系科班出身，冇好强嘅训练同学术根基，所以新一年会搵空档同埋机会，去海外进修又好，或者读本地课程都好，可以重返校园以学生嘅身份学多啲，令自己对呢门艺术多啲认识，虽然我知时间好难控制，但我会尽力㗎啦！」