【头条独家】忽然富贵 豪掷千万日本开睇波吧 松冈李那望有钱男照顾

33岁日藉索模松冈李那（Linah）有hot爆完美body，一向都唔吝啬大晒33C心型胸、蜜桃美臀、玉背和长腿，养眼程度爆灯。摆明战斗格的Linah唔只搵男友好进取，连吸金都有一手！虽然 Linah工作量唔太多，但竟然搵埋唔少，趁住2019终结前，她自爆分别开咗一间自家品牌首饰网店，又喺日本连环开咗两间食肆晋身做老板，尤以喺六本木嘅睇波酒吧最揼本，生意总投资保守估计过千万港元。问她可担心被质疑资产来源时？Linah就理直气壮话：「系我悭悭埋埋嘅辛苦钱嚟㗎！」她甚至开宗明义坦承好爱钱，最恨搵个「有米男」。 采访：方骞平 服装：Snidel 场地：新蒲岗mikiki商场 采访：方骞平

松冈李那工作量唔多，但绯闻就真系有唔少喇，两年前跟「太阳娱乐」老板周焯华（洗米华）传出绯闻后，Linah被指突然富贵，不时大晒周游列国，出入靓车、坐富豪游艇、甚至坐私人飞机，揽实枕头影床照等，似足阔太过住上等人生活。消失一阵子的松冈最近在港蒲头，当问到最近动向时，她就话啱啱喺内地拍完电影《地藏王》，又要去澳门洽谈生意…来去匆匆！原来她喺2020年前成为跨界别艺人：「我同一位日本IT人合资搞咗间自家品牌饰物网店，亲自设计一系列代表永恒嘅首饰，首次做埋设计好兴奋，以前都试过吓做设计，但未被使用，不过唔会打击到我信心，相信只系Timing唔啱。我唔会用自己个名做饰物系列，因为想真系搵到知音，唔系靠名气。由于冇实体店，只系买材料，呢个投资唔多，都系10万蚊港币咁上下。稍后仲会做埋戒指款式，但一定拒绝接受男友将来送返自家出品嘅戒指畀我求婚，咁样感觉好怪，好黐线。(会唔会物色大老板入股扩充吓？)𠵱家唔使住，我要求所有生意伙伴都系日本人，要同声同气先沟通得嚟。」

否认突然富贵
除此之外，好有头脑嘅Linah睇准迎接东京奥运商机，喺日本高档地区六本木开咗间近千尺嘅酒吧畀球咪睇波：「呢间酒吧仲有两个partner，我哋投资咗好多钱，但数目就唔讲喇。另外，又同妈咪夹份喺广岛开意大利餐厅，餐厅现正装修中，预计明年开业。(唔怕畀人话突然富贵呀？)我唔系好有钱，只系做想做嘅事。之前传我炫富都唔系真，其实我只系锺意去旅行啫。」



公开理财心得
Linah咁叻猪连环做老板，她还公开分享理财心得：「好简单，系don＇t use！最好系签信用卡，因为睇帐单会一清二楚，可以提示自己有冇使大咗！我公司一年只系出一次粮，变相系帮手储蓄，我喺香港，出入坐港铁…而且受商界女强人妈咪感染，佢真系好现实，只爱cash，佢唔买名牌包包，而系买物业、买地皮，眼光好远大…所以我都好恨钱，要现金！见到本红簿仔啲钱愈嚟愈多会好开心同埋好有安全感，(有冇千万蓄储？)哈！会将来会有，我会加油。」问她系咪专攻有米男友？她直言：「有边个唔锺意rich boyfriend ？要男友比我有钱照顾到我，如穷过我，咪好似凑细路咁？我又唔系工人！但当然，搵个有钱、成熟嘅男朋友，大前提都系要有真爱嘅。」