【头条独家】食饱饭搭巴士返归 邹凯光用手指撩牙唔卫生
2019-11-26 23:00 
邹凯光唔多新闻，最新一单就系7月尾嘅时候，推出299蚊一件嘅口号Tee，被网民群起大闹发港难财，当时滩叔表示，「我用创意换人工」，之后点？唔知，都无人Care。日前下昼，滩淑一支公去铜锣湾搵饭食，食饱用手指撩住牙离开，然后行去搭巴士，咁大个人唔好用手指撩牙咁核突啦。采访:梁志明
自逆权运动爆发后，滩叔一直关心示威人士安危。之后佢以「Be water stay here」等语句推出一系列口号tee，被网民怒轰「发灾难财」、「食人血馒头」，滩叔反驳指早在去年talk show已用过同样字句，与抗争事件无关，直言：「我用创意换人工，系我三十几年嘅搵食方法。」
点解唔用牙签
网民追击滩叔一段时间就收手，邹凯光应该庆幸自己咁快甩难。日前下昼三点，滩叔一支公喺铜锣湾搵嘢食，用搵字系因为佢行咗几间餐厅，最后拣咗食日本咖喱，佢食饭锺意周围望，望望吓就发现记者一脸惊讶，之后食一阵就装吓记者，如是者几次，食足45分钟先离开。食饱慢慢行去巴士站，期间滩叔用手指当牙签撩牙，咦。
關鍵字
最新回应