【頭條獨家】食飽飯搭巴士返歸 鄒凱光用手指撩牙唔衛生
2019-11-26 23:00 
鄒凱光唔多新聞，最新一單就係7月尾嘅時候，推出299蚊一件嘅口號Tee，被網民群起大鬧發港難財，當時灘叔表示，「我用創意換人工」，之後點？唔知，都無人Care。日前下晝，灘淑一支公去銅鑼灣搵飯食，食飽用手指撩住牙離開，然後行去搭巴士，咁大個人唔好用手指撩牙咁核突啦。採訪:梁志明
自逆權運動爆發後，灘叔一直關心示威人士安危。之後佢以「Be water stay here」等語句推出一系列口號tee，被網民怒轟「發災難財」、「食人血饅頭」，灘叔反駁指早在去年talk show已用過同樣字句，與抗爭事件無關，直言：「我用創意換人工，係我三十幾年嘅搵食方法。」
點解唔用牙簽
網民追擊灘叔一段時間就收手，鄒凱光應該慶幸自己咁快甩難。日前下晝三點，灘叔一支公喺銅鑼灣搵嘢食，用搵字係因為佢行咗幾間餐廳，最後揀咗食日本咖喱，佢食飯鍾意周圍望，望望吓就發現記者一臉驚訝，之後食一陣就裝吓記者，如是者幾次，食足45分鐘先離開。食飽慢慢行去巴士站，期間灘叔用手指當牙簽撩牙，咦。
關鍵字
最新回應