【头条独家】Chok住行街振兴经济 48岁马浚伟唔装扮似𡃁仔

受社会气氛影响，好多人消费意欲下降，好彩仲有班消费者肯出嚟救吓市，令成为重灾区嘅零售业仲可以撑住先。好似马浚伟咁，之前快闪现身铜锣湾一间日资商店购物。作为工作室老板的他，见他忙到边行边录口讯，入商铺一阵，打咗个转就花过千元买咗个潮人背囊，原来系送畀自己作为48岁牛一嘅小礼物。采访：梁志明

最近马仔忙于宣传下月5日在香港上映的新片《生前约死后》，这是他自编自导自演舞台剧的延续篇，由舞台剧后再转战大银幕，马仔认真有魄力。由于系讲马仔和母亲的经历，编写呢个感人故事期间因为触及内心伤痛而3度停笔。

自爆成日行街
之前马浚伟入住铜锣湾一间酒店方便举行处男演唱会，每当有break就出去行吓，搜购礼物o氹吓自己。当日见到着住casual wear嘅马仔头戴黑色cap帽，身穿牛仔褛、松身四个骨裤衬对jordan纯洁白色波鞋，再背住扣咗两个公仔锁匙扣嘅背囊，好有童心。马仔逗留日资商铺大约10多分钟，快手快脚就买咗个大背囊闪人，虽然店内唔多顾客留意他，但马仔做惯主角，依然Chok住行。事后他笑说：「系呀，我成日去行街㗎，所以经常撞到好多街坊同埋记者朋友。」