【头条独家】行超市撞到朋友好兴奋汤盈盈吹水劲多表情

2019-11-18 22:05

44岁嘅汤盈盈做咗妈妈之后无晒之前啲邪气，仲可爱咗。日前傍晚，着咗条烂牛嘅盈盈去铜锣湾行超市，因为见到佢已经系畀完钱，只知买咗一袋嘢，重点系佢见到朋友，佢好开心系咁吹水，然后佢好多表情，又皱眉又瞪眼又单眼咁，好搞笑。采访:梁志明

做咗人父母嘅一讲起自己仔女就会停唔到，例子有汤盈盈两个女都系读同一间国际学校，3 岁幼女Kassidy入读幼儿班，6岁大女Alyssa就升读一年级。盈盈就话：「两个女读happy school，没有太多功课，不过她们平时满口英文，就靠嘉乐陪她们睇中文书，教讲广东话，至于普通话反而是两个女教我和嘉乐，所以嘉乐的普通话进步了。」

两只手都好忙
当晚六点，着住烂牛加波鞋，好青春嘅盈盈自己去超市买嘢，见佢买咗一大袋，加埋之前都买咗好多，战利品放满两个篮，离开时撞到朋友，盈盈非常兴奋，同朋友系咁倾系咁倾，讲足十分钟，期间盈盈好多表情，皱眉单眼乜都有，倾完偈好满足，盈盈一只手推住架车，一只手揿住电话搭电梯去停车场。