【头条独家】出道一年望提升实力 MIRROR预告明年再开个唱

2019-11-22 20:30

今次访问继续唔齐人，AK（江熚生）要拍新剧《打天下》、Edan（吕爵安）则参加毕业礼，只有十位成员现身。

组合MIRROR去年参加ViuTV《全民造星》出道，转眼已一年，并推出新歌《Reflection》。早前他们继续唔齐脚、只有十子接受访问，他们坦承时间过得好快，好感激观众和粉丝一直对他们好包容，所以新一年会努力令唱歌和跳舞实力提升，希望不会再令支持者失望，更预告明年将再举行演唱会。撰文：杜淑霞摄影：李权威发型：Stone Cheng@private I salon、Lydia Yung@CHIC Private I Salon 化妆：Rainbow Chung、Cori Wong@Annie G Chan Makeup Centre 场地：The Wave 观塘

谈到出道一年感受，队长Lokman（杨乐文）坦言时间过得特别快，「我哋每日都好似追紧进度咁，呢一年真系做咗好多嘢。」Anson
Lo（卢瀚霆）就话：「好多谢观众同我哋嘅粉丝，都对我哋好包容同埋体谅，好似我哋唱歌失准，或者跳舞唔齐，佢哋唔会好似批评其他艺人咁样批评我哋，反而好似伴住我哋成长咁，真系令我哋唔好意思，好想努力回馈番佢哋。」

排球员出身的Ian有份演出《男排女将》，他笑言：「其他人觉得难打嘅波，我要帮手做替身，好惊会整伤旧患，呢排都有健身练好状况。」

MIRROR最近有份参与《全民造星II》，他们认为跟师弟比赛虽然有压力，但亦是鞭策自己进步的好方法。

姜B不满Alto
展望未来发展，各成员当然希望团队不论唱歌和跳舞都会继续进步，亦想推出更多歌。而Jeremy（李骏杰）就比较实际，「想我哋快啲推出到大碟，之前其实有机会，但系个计划推迟咗，希望好快可以成事。」而Ian（陈卓贤）更透露：「我想大家齐心做好啲，因为我哋明年会再有演唱会。」

至于个人方面，十子亦各有目标想达成，譬如：Jer（柳应廷）想演音乐剧、即将拍剧的Frankie（陈瑞辉）想增加自信、Tiger（邱傲然）想多参与戏剧演出、快将演出新剧《男排女将》的Anson Lo亦想把握好今次演出机会。不过Alton（王智德）的目标竟然是，「我睇《造星II》块面太凹，所以想肥番啲。」即引起由肥仔辛苦keep住身形的姜涛不满，相当搞笑，谈到个人目标，姜B说：「嚟紧拍剧个角色我需要学结他，自己一直都好想学样乐器，呢个系歌手基本要求。」最后问到各人有何不满要投诉，Stanley即搞笑话：「我同花姐讲想唱solo，但佢问我『睇吓你唱成点？』咁我练习吓先！」