【头条独家】TVB开电视ViuTV自由出入 黄淑仪否认有江湖地位

72岁黄淑仪（GiGi姐）获乐易玲邀请签邵氏一年，在myTV SUPER上架播放她自制的烹饪节目《Gi味俱全》。自从今年1月约满无綫后，GiGi姐过档ViuTV，稍后又跟陈倩扬合作为香港开电视做综艺节目。能够系三个平台自由进出，连无綫都肯放行，足以证明GiGi姐的身份。对此，GiGi姐马上耍手拧头及否认有江湖地位：「千祈唔好咁讲，煮嘢食都系殊途同归。」采访：方骞平

早于14年前，GiGi姐主持TVB《吾汤吾水》爆红成为煮食icon，《名人厨房》、《住家厨神》、《吾淑吾食》等陆续有来，做到手软。连乐易玲都唔放过呢个已离巢「宝物」，马上拉返她入邵氏，更容许她捞过界。GiGi姐好多谢乐小姐欣赏她的节目：「《Gi味俱全》每集15分钟煮一个餸，针对每个餸会有详尽讲解同埋畀小贴士。」她曾出过十四本烹饪书，创意食谱多到不得了，所以经常留在家中分类和做整理：「爱上厨房后会好多唔同玩法，尤其知道食材性质后，煮法可以有好多变化，做咗烹饪节目后使命感重咗，我唔会俾框框限死自己，尽量发掘新嘢，如炆咗几十年猪肉，突然试吓加入镇江香醋，原来出嚟食法好唔同，老公唯一投诉话，请客就唔好试新嘢，但我坚持请得入屋食饭全部系好朋友，应该唔会介意。」

好怕镜头前食嘢

节目中GiGi姐没打算请嘉宾帮手试食：「除非叻过我嘅专业厨师就话可以互相切磋啫，试食咁就好无谓，因为点都有赞冇弹，其实我好怕喺镜头前食嘢，除肥姐外，我觉得冇一个艺人食相会好睇，肥姐食得到嗒嗒声好滋味，而且食住讲嘢会好无仪态同礼貌。之前拍剧有食饭戏好辛苦，镜头前变咗你夹畀我，我夹畀你，食住饭讲对白会喷到周围都系，食物又可能黐喺牙罅度，我拍亲都会耍手拧头叫导演唔好。当年做大Show司仪要试食大厨嘉宾作品，嗰次我食完就避开镜头。」