大仔整亲脚吓餐死 张栢芝拍片教凑仔

张栢芝自与谢霆锋离婚后，一直独力抚养儿子Lucas和Quintus，并在去年秘密诞下「小王子」（Marcus）。近日网传Lucas不满谢霆锋，埋怨父子少见面。事后霆锋经理人霍汶希直斥报道无中生有，对假新闻表示不作回应。而今日凌晨张栢芝在ig上载儿子整亲脚的相，要戴护膝又要撑拐杖，看来有点严重，她留言：「打篮球整伤只脚，吓死我了，希望他乖乖的带着他（护膝），今天看完医生，医生说起码要带着他（护膝）六个星期，伤在你身痛在妈妈心！（受伤的时候睇中医结果还是看西医，双重保险安全点）医生说如果他乖乖的保护着就应该冇问题，真系吓死我了！」

栢芝跟着拍片给天下妈妈一个温馨提示，她语重心长地说：「今日睇完医生好想同大家母亲一个温馨嘅分享，小朋友有时喺学校sports day或者上运动堂，可能有少少碰碰撞撞跌亲，话畀妈咪听有啲痛，佢哋都唔系好发觉（系咩事），咁我哋亦都唔好忽视，当初佢整亲我带佢睇咗中医，睇完后佢仲话有啲痛，但睇落好似好normal咁，跟住再担心啲，结果带佢睇磁力共振，再睇埋x-ray，原来好多眼睇唔到入面系有，仲有佢都持续话痛就唔好忽视，呢个系我个人分享同经验。」