峇里公干庆祝48岁生日 朱茵拎纸板面具：好挂住老公同囡囡

朱茵今日（10月25日）48岁生日，日前她远赴印尼峇里岛工作时，一班同事特别为寿星女举行惊喜生日会，趁朱茵在化妆及换衫期间，精心布置酒店房间。当她完成工作后，团队从后捧出印有她大头照的生日蛋糕，令朱茵惊喜不已。寿星女透露今年生日愿望是年年丰足，世界和平，愿大家开开心心。
公司同事心知朱茵离港工作难免会「思乡病」发作，特别炮制了老公黄贯中（Paul）及女儿黄莺的纸板面具，好让两父女能够惊喜「现身」，隔空陪伴左右。思乡心切的朱茵坦言：「好挂住老公同囡囡，呢个系我今年第二个生日会，第一个生日会佢哋已经出席唔到，今次佢哋又唔喺我身边。」朱茵更一时感触隔著镜头向老公及宝贝女示爱：「老公好挂住你呀，多谢你同宝贝女畀我嘅爱，带畀我好大嘅庇护，同时亦畀咗一个家我。」幸好，最后朱茵能赶及完成手头上的工作，在牛一前赶及回港与Paul及莺莺庆祝。

至于今年的生日礼物，朱茵透露早前到欧洲工作时已挑选了一份礼物给自己：「呢份礼物我当系老公送畀我，至于阿女喺我每次出埠前都会画幅画送畀我，呢啲咁珍贵嘅礼物，我会有个宝箱放晒阿女啲画，同埋老公送畀我嘅情书。」提到生日庆祝活动，朱茵表示：「我会揽住妈咪啜啖先，因为冇佢就冇我，同埋会同屋企人食饭，最好就可以瞓个靓觉啦！」