痛锡1岁半饼印女 黎明豪买2000万游艇

现年52岁嘅黎明（Leon）去年4月荣升为爸爸，佢对女友Wing和爱女均宠爱有加，对女儿的保密功夫更做到足，因为咁耐以嚟，女儿的照片只公开过一次。唔经唔觉女儿已1岁半，有指她单眼皮、愈大愈似爸爸，成个饼印一样。而阿Wing一直专注照顾女儿，还亲自带她上playgroup。

Leon早前带Wing与女儿去马尔代夫旅行，开心享受家庭乐，咁都仲未够，最近有传媒报道指，锡女友同爱女锡到燶嘅Leon，早前大手笔购入价值2千万港元嘅意大利豪华游艇，带女友和爱女出海玩，游艇官网的相片可见，同款型号内更备有双人大床。报道又指黎明仲想添丁，阿Wing当然乐意配合。如果成功生仔，不但可以凑成个「好」字，更一举打破「四大天王」只能够做「四大岳父」嘅「宿命」添呀！

已为人父嘅郭天王郭富城早前揸辣跑去买尿片，一度成为城中佳话，而黎天王亦都有平凡慈父嘅一面，早前佢就微服出巡，唔系去搵阿May，而系去商场为爱女买奶粉同得意公仔，心情劲靓嘅Leon遇到Fans邀合照亦有求必应，非常Nice！