祖儿愿做代母 轩仔：珍惜做朋友缘份就够架啦

容祖儿昨晚举行第16场演唱会，轮到大会星级调音师兼好朋友张敬轩登场，轩仔台上一番言论，搞到祖儿又喊又笑，最后更感动到自爆为了报答轩仔晚晚无条件照顾，将来轩仔如果搵不到女朋友会帮轩仔生仔，她可以做代母！成晚温情满分，又笑到大家肚痛。

昨晚祖儿唱完《特别嘉宾》无特别介绍轩仔，欺骗观众话，「你地唔好以为每日都有嘉宾得架，我今日唱一首我好钟意歌」然后就唱《黄色大门》，唱到一半舞台升起， 张敬轩登场，观众即起哄欢呼。两人唱完后，祖儿话：「各位观众！你今晚有福啦！」张敬轩就锡锡拥抱祖儿，「good 个骚先。」 

轩仔又从袋中抽出一张小咭片，「呢一张系我哋陪伴咗容祖儿咁多晚，佢后台身边梳化服同事一齐签比你的一份小礼物。大家知唔知系佢这副瘦削身驱、咁大条裙入面包住背后， 冇人睇到佢身上几多伤，我有幸可以睇到。你平日著衫系「瀡」入去，好似啲马路咁畅通。我系后台见到佢好少布嘅时侯……」祖儿马上震惊问:「吓？ 乜你有入来咩？」「我耐唔耐会『装』下，你唔好信啲野写先得架，我会装下...」「你无赖呀....」轩仔就安慰祖儿，「算啦，睇完都唔知睇到乜。」观众也为了捧腹大笑。

轩仔再正经讲，「大家留意下，佢剩系脚范围，每日贴胶布著演出高跟鞋，佢皮外伤、 内伤.......今日开骚前重去针灸同睇骨科。我系台底十几晚，我每晚都觉得容祖儿系值得所有最好野系佢身上发生。」观众即报以掌声及欢呼声。「祖儿系骚前，好担心好担心唔可以将最好状态带上舞台到，佢怕自己令大家失望，佢不断付出自己，佢真系搵命搏，我未见过一个Artist ，凌晨完骚喉咙重插住6枝针，就系为左保证第二日有一个最好状态见大家！」

祖儿听到呢到已经忍不住飙泪，大滴大滴泪水流落，歌迷大叫祖儿唔好喊，轩仔就揽揽示意安慰，再继续讲，「我成日觉得佢无论生活当中，舞台上都系一个好榜样。有一晚我同方文燕先生帮祖儿做耳机检听，但是出左少少判断问题，我晚上打俾佢，佢竟然系咁，将问题罢系自己度，话唔系呀，系我今晚唱得唔好。系我问题。点解佢有咁好演唱会，咁好team, 咁好嘅观众，大家明啦。」祖儿就好感动，「点解会有个咁好朋友，成件事唔关佢事，佢有好多野忙 ，又开餐厅，11月又开自己嗰个啲打骚 ....」轩仔斗正，「我系中乐团！啲打系呢度行过少少就系。」祖儿即破涕为笑，话其实轩仔不用晚晚出现，不过轩仔就话出现得好开心，学到好多野，「系我地这行业好多人话一运二命三风水 ，但系冇架，上帝好公平，你付出几多收镬几多。你付出几多汗水努力观众系会见到！」观众又即报以热烈掌声。

「多谢你张敬轩，估不到你讲野咁温情。」祖儿突然好凝重咁话，「我谂过对佢最大报答，我谂过架。」轩仔: 「唔驶以身相许啦 」料不到祖儿不是说以身相许，而是爆出: 「如果你需要一个人，将来识不到一个女朋友都好，我可以做代母，系泰国捐精，哈哈哈.....」观众笑到反眼时，张敬轩都吓一跳笑住话，「咁我泰国搵得啦....」祖儿叉腰反问: 「 做咩依家好失礼你咩？我差啲咩？」轩仔一额汗，「你啲基因 .....都好好.....我觉得呢世珍惜做朋友缘份就够架啦 ，咪第时我去你屋企，我应该叫你妈咪外母好，定Aunit好？有单身男士，真系可以上ig留下言俾祖儿」 

然后两人合唱《樱花树下》，唱完观众无一舍得让轩仔离开，不停叫安歌。轩仔于是话，「以往啲嘉宾唱上来两首，同大家say个Hi ，两梳蕉咁上来。我有啲唔同，既然大家咁热情，我决定我今晚要表演一样嘢，你台下Quick Change，我要做第一个台上表演QuickChange 嘉宾！」接著大会关灯，让轩仔换上一件区有火龙果的红白色外套。现场灯亮，祖儿就即大叫，「Oh MyGod 好肉酸呀。重著埋我件T………人地话娱乐圈养鬼仔我唔信呀，佢今日真系带左只鬼仔上来。你系边个，你咪乐坛妖孽同火龙果姐姐 ？好得人惊呀大佬。」

轩仔就作状乩童，又叫祖儿揿佢人中，然后火龙果姐上身，「hello 大家好吗，大家有冇听过我首pretty hungry，你地今晚 hun唔 hungry，hungry，就俾啲尖叫我听 。大家知不知我来做咩 ，踩场呀！」观众疯狂欢呼，祖儿: 「点呀，话晒今日个场系我，你第时开第时再算啦，唱未呀。」火龙果姐说 :「人地讲我都唔信，啲乐坛前辈特别难搞。废事罚钱。今晚歌就唱梗，我带左少少手信，就中秋有啲生果，系你椅底！啲火龙果讲明系唔食得，用来罢设，用来迮年！只要你有火龙果，你就要同我一齐唱同跳这呢首歌。送比大家 pretty hungry！」观众就开心到飞起，不停搵椅底，抽到火龙果的就不停挥舞。