莫文蔚做嘉宾 Sammi化身小Fans手拖手兴奋合唱

昨晚郑秀文（Sammi）的演唱已踏入第11场，一如其他场一样，Sammi用尽心思邀请不同嘉宾，噚晚Sammi就邀请左好朋友莫文蔚（Karen）担任表演嘉宾，郑秀文化身小Fans，两人手拖手唱歌，又扮行catwalk。

Sammi系台上介绍莫文蔚出场说：「今晚嘉宾系个人my favorite，我长年累月都有佢嘅歌跟身，成日都会听佢嘅歌，虽然佢比较少喺香港同大家表演，所以今次能够邀请到自己好锺意嘅女歌手同台，我真系好开心。」

Karen出场唱毕《忽然之间》后说：：「我哋从未同台做过任何嘢，我都唱咗26年，我等你呢个电话等咗几耐？」Sammi笑说：「由水壼（电话）年代等到依家。」又说：「你系我自己All time favorite，我真系好锺意听你唱歌，你接受我邀请，我真系好开心。不过我睇报导得知你好快唱开埋最后一次演唱会，就唔再做pop music嘅concert。」

Karen坦言：「系，我同自己讲要喺最好嘅时候，将最好嘅自己畀咗大家，然后要做下一样嘢。（即系咩？）Musical。」Sammi感叹明年2月可能是Karen最后一场演唱会，扬言要去捧场。Karen邀请Sammi一齐演音乐剧，说：「其实你适合做Musical，识得演戏、唱歌、跳舞，唱live仲要唱得咁好，真系冇乜边个。」之后Sammi落台换衫，Karen独唱《如果没有你》，全场观众大合唱，非常震撼。

昨晚台下捧场朋友还有郑少秋、蔡一杰、苏丽珊、西瓜、抗癌女歌手李明蔚、高浩正夫妇等。