八卦李蕙敏点同老外老公倾心事 Sammi听完嗌「冤气」

郑秀文（Sammi）的第2场红馆个唱昨晚举行，请来同期出道，也曾传过不和的李蕙敏（Amanda）担任表现嘉宾。
穿上超短牛仔裤的Sammi先晒蜜桃Pat，又教大家扮海豚拍手掌自制PongPongStick，然后她一边唱《默契》一边介绍嘉宾Amanda出场。合唱后Sammi称与Amanda大约30年前同期出道，Amanda笑言：「大家都系童星！」并大赞Sammi弗到爆，话口未完立即伸摸Sammi的腹肌「验证」，还笑言惹来台下歌迷妒忌。
Sammi八卦问：「我成日都好好奇，你咪嫁咗个老外，有时倾心事点倾呢？我哋广东话好地道架嘛，例如『今日真系㷫过火屎！』咁点翻译？」Amanda就话会用「Fire」、「Super Angry」以表达极级嬲嬲猪，Sammi笑著乱讲一通：「My heart burning fire shit！」Amanda自爆：「我有时嬲起上嚟真系叫佢『eat shit and die』，你知嗌交好讲反应快，有时谂唔到就直讲。（咁佢点呀？）佢咪笑罗！呢啲咁港式英文，佢都唔明。」Sammi说：「所以话爱情呢啲嘢，不用多语言，其实只系识Hi同Bye都结到婚，其他嘢用爱搭够。」Amanda拖住Sammi手示范：「仲有动作嘅……『Goodnight，kiss kiss』咁就得㗎啦！」Sammi无眼睇：「真系好冤气！」
然后Sammi请Amanda唱歌，台下观众大叫《活得比你好》，Amanda说：「嗱，唔好意头嘢我唔做㗎，喺人哋演唱会……不过呢首歌，人生中无论遇到几困难、几低点，希望以呢首歌互相鼓舞……《活得比『佢』好》！」全场掌声。