爆Sammi曾盛装探BB 谢安琪感动：佢台上台下倾偈都系咁真挚

天后郑秀文（Sammi）越唱越起劲，昨晚（16号）「＃FollowMi 世界巡回演唱会 香港站」第5场演出，全场劲High，观众席的蔡一智与囡囡、Twins的蔡卓妍和锺欣潼、周慧敏、倪震、薛家燕、邓萃雯、余安安、张继聪、余德丞和蔡思贝等，当Sammi唱《信者得爱》时都企起身一齐高唱「High High High」。而「最索人妻」谢安琪担任昨晚表演嘉宾，台上大爆Sammi盛装探BB，令她受宠若惊！

今次是Sammi第10次红馆个人演唱会，她特别加入艺术表演，让观众感受不一样的演唱会，就连表演嘉宾也令人意想不到。昨晚当谢安琪（Kay）从升降台出场和她合唱《默契》时，Sammi以「最索人妻」介绍出场，观众惊喜哗然。Kay揽实Sammi纤腰，说：「好正呀，虽然成日睇你演唱会，但未试过咁近，可以揽住，好正呀！」Sammi表示大家都好奇她与Kay的关系，其实他们私下是好朋友。Kay对Sammi说：「你真系好好……」Sammi说：「有几好？赞嘅说话唔怕讲喎！」Kay续说：「我份人好怕丑，唔系好主动嘅人，你第一次同我讲祝福说话又为我祷告，吓死我，我真系受宠若惊。同埋你好真心，台上台下私下倾偈都系咁真挚、咁用心……我想喊！」然后揽实Sammi，再说：「喺我生完BB嘅时候，有一日你突然话嚟探我……」Sammi说：「同埋冯太一齐，冯德伦太太……（雷太，雷颂德太太）冯德伦太太系舒淇，系喎，哈哈哈！」连Sammi自己都不禁大笑起来。

Kay续说：「我心谂点解你个人咁好？好到晏昼嚟我屋企，仲要著到鬼火咁靓喎！（系呀，我落街倒垃圾都系咁！）你嗰日著到成身红卜卜……（一定搽红唇膏，我平时喺屋企都搽红唇膏。）你突然嚟我屋企又搽晒红唇，好隆重，我受宠若惊，我全家人都好紧张，所以印象好深刻。」Sammi笑说：「你奶奶好热情，我哋倾咗好耐，其实我想扯架啦，佢几乎想请我食埋消夜！」

Sammi笑指想请年纪比她大的女歌手做嘉宾实在不容易，所以都请来年纪比她小，加上她很喜欢与新人合作，说：「喺新歌手身上我学到好多嘢，我都锺意同新乐手、乐队、Rapper合作，佢哋带畀我新灵感。」之后Sammi准备落台，她请Kay唱《囍帖街》但Kay想合唱，Sammi说：「唔得，唱埋我换唔切衫啦！」然后一边落台一边与Kay互讲「I Love You」，好鬼冤气！