一唱歌囡囡就唔喊 陈柏宇：佢应该几锺意听我唱歌

日前陈柏宇(Jason)及师弟庄正(Lester)接受电视访问，二人大谈推出新歌感受，而Jason亦分享已为人父感受，他说：「如果一定要拣囡囡快啲大定唔想佢大，我想佢快啲大，因为我好期待佢嚟紧会学啲乜、做啲乜、兴趣系乜，想快啲见证到，依家佢学爬学行，我已经睇过晒啦！我不知几想佢快啲食大人嘢，咁我就唔使次次都要拎个大书包载晒佢啲嘢出街。」


Jason表示照顾女儿后令自己私人时间改变不少，他说：「以前嘅娱乐系会打机、打波、唱K同饮嘢，但依家放假会留俾屋企人，留俾个女，我团火唔会单单放落事业，我会摆落去生活上。」Jason笑说：「囡囡应该几锺意听我唱歌，因为通常佢一上我车坐佢自己Car Seat就喊同扭计，但我一唱歌佢就唔喊，所以我觉得佢几锺意听我唱歌㗎！」


同场的师弟Lester曾是组合VnP成员，现在单飞发展重新出发，他说：「我觉得自己成熟咗，五年前好天真，因为读完书，入咗大型唱片公司后，觉得就可以一帆风顺，冇嘢做嘅日子令自己变得消沉，唯有主动向朋友学习点样造好啲歌，学剪片，拍Cover片摆上网，听多啲唔同类型嘅歌，增值自己。」