祖马龙心水│「竞骏辉煌」有「气势」

卡尔代咗祖马龙几期，唔知大家锺意卡尔定祖马龙多啲？不过祖马龙铁定回归，以往睇开《星岛》嘅就继续支持《星岛》，不过祖马龙就喺《头条》呢度等大家支持。

潮流兴人工智能（Artificial intelligence）都唔系第一日，但呢样嘢就越吹越热，越吹越普及，越吹越遍布唔同层面。实不相瞒，祖马龙好早期已经从事FinTech（金融科技）喺银行任职，排除万难一早就带领团队引入AI，将Research工作、报告推向自动化，提高效率、提升质量，最近亦接受邀请成为讲者，喺大学教授同银行从业员面前讲解FinTech。

除咗专业服务外，AI亦渗透到社会唔同层面。早几日推出嘅新iPhone原来内置AI工具，好快，即使系牛头角九表嫂只要手持新手机，都可以运用人工智能喺日常生活里面大摇大摆。马会近排send咗个短信畀特选VIP祖马龙，喺间叫Vantage嘅新厢房以AI分析系统比较马匹胜算。假以时日，真系马都唔使刨，大家睇祖马龙吹完一轮大伟论之后，将来真系下边贴士都可以飞埋喇！

喺依家未飞得祖马龙贴士之前，不如都花多几十秒钟睇埋呢期心水，衷心介绍一下「竞骏辉煌」，上季连赢两场提早唞暑，蹄下败将「坚又威」及「马林」都系实力指标，实力就唔使怀疑，唯一缺点系呢只马一定会热，尤其阿蔡「气势」呢铺都实食无黐牙，赢完乜嘢过关飞都打晒落嚟，最后有三倍都执到。不论赔率，呢铺祖马龙几热都会投注「竞骏辉煌」，梳定个靓头凯旋门见。

第九场：1气势、5钻石星空、9旭日升
第十场：6竞骏辉煌、2合夥奔驰、8升泷驹