乐●活｜消费券到手 执平货赚到尽

噚日首轮消费券袋袋平安，相信嚟紧两日嘅假期，唔少人去Shopping买嘢！

想趁机想趁机执平货赚到尽，可以留意欧化宝今日（8日）至12日，一连5日喺屯门建发里4号 LANE UP 12楼举行嘅开仓清货！

今次欧化宝开仓内有大量床褥、梳化、梳化床、床架、枕头等以低至1折起，而且更接受以消费券付款。今次开仓嘅精选货品，包括英国知名品牌床褥低至$500、开仓价 $50发售嘅四季枕（原价$298）、TVE-6746BBH餐台。开仓价$480（原价$3,600)、Hide and Seek 梳化床，开仓价 $2,214（原价$7,380）、Legend 真皮梳化床，开仓价$4,500（原价$9,980）及Moore 2.5座位真皮梳化，开仓价$3,998（原价$10,800）等。

除咗买家俬，仲可以趁住一连三日（4月8至10日）喺D2 Place一期2楼The Space举行嘅「玩具收藏家贩售展五周年春之祭之探索新领域」寻找心头好。场内会有不同种类嘅玩具发售，有怀旧的、有最新推出的、更有本地原创设计师玩具等。去完玩Toys Collector Market 玩具收藏家贩售展，仲可以叹埋Ojisan Ramen 大叔拉面，只要喺The Space举行嘅玩具收藏家贩售展内购买任何玩具，之后惠顾大叔拉面、打个卡，就免费获赠小食。

 

嚟紧星期一（11日）早上7 时起7-Eleven 会举行「yuu折日」，当日只需买满$71就即享11%折扣（即89折优惠） ，再配合埋精选着数优惠，包括Mövenpick 雪糕/雪葩100毫升、蓝妹啤酒、醇滑嘉士伯、7-SELECT鸡髀、威路士杀菌消毒喷雾等，变相折上折！扫货同时除咗可以赚取yuu积分，指定货品仲可以获取yuu印花。想要埋单再抵啲，仲可以yuu积分换领埋7-Eleven电子现金券，攞尽着数！

作者：Laurie Wu（爱保健爱旅游爱购物的熟女）

[email protected]