乐●活｜为「萌」过复活节做准备

话咁快就去到3月尾，重视节日仪式感的话，应该正研究如何为复活节做准备！

提起复活节，即刻谂起唔同造型嘅兔仔、复活蛋造型嘅产品。Lush 岚舒就趁今个复活节推出咗充满可爱童话角色嘅复活节限定系列，当中更包括12款全新产品。

先讲下一系列以兔仔为主题嘅产品，全新登场嘅超级兔侠泡泡浴芭，以金光闪闪嘅超级飞兔降临浴缸，带来丰盈绵密嘅杜松果及西柚香气泡泡，另外仲有充满果香嘅飞天萝卜汽泡弹、以及彩虹小兔汽泡弹。磨砂芭一样有新登场嘅兔仔造型可以拣，短尾小兔磨砂芭蕴含布枯叶、西柚和甜橙洋溢馥郁果香，更有白米碎帮助温和去除角质，缔造滑不溜手的肌肤。想买Boxset的话，就可以考虑白兔仙踪礼盒，内有彩虹蛋糕唇部磨砂、彩虹小兔汽泡弹、小熊软糖沐浴啫哩，仲可以买埋白兔仙踪多用途风吕巾作为礼物包装。

复活节岂能缺少朱古力蛋？LUSH彩蛋孖宝礼盒内嘅汽泡弹散发恍如甜品般嘅甜香，缔造甜蜜暖心嘅春日香浴，内有梦幻彩蛋汽泡弹、复活金蛋汽泡弹，前者会释出粉红及蔚蓝梦幻色调，交织出散发糖果甜香嘅醉人香浴，后者金光璀灿嘅纯素浴水散发着蜂蜜般嘅甜蜜气息，带来滋润嘅呵护。

另外，LUSH仲准备咗草地派对礼盒，内超级兔侠泡泡浴芭、巨龙蛋汽泡弹、梦幻彩蛋汽泡弹、迷你彩虹泡泡浴芭、狂欢小鸭汽泡弹、复活节 Lokta 纸横幅，充满节日气氛。

Laurie成日觉得复活节系一个童趣满分嘅节日，而LINE FRIENDS 就与奇华饼家携手推出复活节期间限定什锦曲奇礼盒，可以话系啱晒主题。

LINE FRIENDS WITH KEE WAH BAKERY 什锦曲奇礼盒上嘅BROWN &FRIENDS 纷纷回到儿时纯真可爱嘅模样，变身成 MINI BROWN & FRIENDS，并选配了3款大人、小朋友都难以抗拒嘅牛油味曲奇，包括松脆可口嘅腰果牛油曲奇、清新香甜嘅小红莓牛油曲奇及香气浓郁嘅杏仁片朱古力曲奇，让大家可以享受多重滋味。礼盒更特意采用小水桶设计，颜色缤纷，又有BROWN &FRIENDS嘅可爱模样，大家更可以重用小水桶，用来盛载自己小物。奇华更同步推出LINE FRIENDS WITH KEE WAH BAKERY 什锦曲奇礼盒套装，由即日至4月15日期间到奇华饼家分店选购此套装，除有什锦曲奇礼盒外更有LINE FRIENDS WITH KEE WAH BAKERY 复活节限定版 50元现金券。

作者：Laurie Wu（爱保健爱旅游爱购物的熟女）

[email protected]