【阿碌开咪】我为乜要捱两针？

近日，全港市民手机都弹出N次同一讯息，全城奔走相告，系乜？正是——被逼隔离时带啲乜？最搞笑，小弟收到的，竟不少是来自美加英澳及台湾的亲戚朋友及N年冇见的旧同学。

　　可知，移离者几咁「心在香港」呢！随时被隔离二十一日的所谓「检疫监」，在全球香港人心目中，极具「震撼性效果」！

　　百分百真确，小弟朋友中，已不少执定一箧又或起码半箧必须品，准备随时「坐监」。

　　事实，又系几得人惊者。无情情捉你关在一间房二十一天，除担心染疫外，这种失去自由感觉，哪有日日强调自由大过天的港人可以顶得顺？

　　尤其，近日被「收监」者，部分属颇富裕人士，住开过千方尺豪宅，突然要畀人「话坐就坐」，真系几得人惊㗎。自己担心外，有宠物者，又唔知点搞。家中若有行动不便全日要各种药物照顾又协助大小便洗身者，又未见政府宣布如何安排。所以，过惯「优质生活者」，真系担心到人都癫！

　　上周四，收到一位颇有知名度老友的MM声讯息：「碌Sir，唔该你替我伸冤！顶佢头锤，我正住在某幢要全体检疫大厦。本来，冇打针的话，心甘命抵嘅。但我同老婆大人早早已打完两针，仍要坐二十一日『疫监』，呢个系乜野政策？早知打完针同未打针一样，我就唔冒险听政府话，急急帮手谷针啦。弊在小弟仲以人办身分，四出游说老友打针，原来，照样要收监，点解？近几日畀各路老友怨死呀！」

　　终于，政府今次反应够快，听见「M声震天」后，立即「从善如流」，弹性处理隔离日子，尤其打咗两针者，更大大缩短「监期」。其实，接种疫苗既然有效，政府就应提供大量诱因游说市民快打。除毋须坐「检疫监」、可以出外旅游……外，最基本，在本港之内，亦应搞到「两针特区遍地开花」。例如酒楼、戏院、运动场……打咗两针者，即可拥自由自在感觉。如此，才具吸引力。否则，打嚟做乜？

曾智华

阿碌开咪