育儿松一Zone｜唔好擦晒我啲字啦 圈出错处VS寻找优点
2023-12-28 15:00 
星期天，我闲赋在家，突然收到朋友来电，要向我说一件开心事，我当然洗耳恭听。
朋友：「上次同你讲囡囡写字好核突，次次我要擦晒佢啲字，叫佢再写过先交畀老师，但佢每次都好唔情愿去写，仲扭晒计咁，严重影响我同佢之间嘅关系。」
我：「梗系记得喇！你嗰次仲话囡囡变本加厉，啲字愈写愈丑样添，搅到你都唔知点算好，打电话向我求救。」
朋友：「系呀，后来经你提醒同反省后，我用咗正面嘅方法去鼓励囡囡，圈咗佢写得好嘅字，赞赏佢写啲字好似老师写嘅咁靓。之后佢就愈写愈靓，最初差不多个个字都要重写，依家只有一、两个，真系好大进步，令我好开心，解决咗呢个日日都要面对嘅难题。而家同阿囡做功课变得轻松好多，好多谢你提点我呀！」
我：「大家咁熟，唔驶客气喇！其实父母抱著正面嘅态度同方法去欣赏小朋友做得好嘅地方，不但有效改善佢哋嘅不当行为，更可以促进亲子关系添！我哋咁耐无见，下次带埋囡囡一齐出嚟食嘢啦！」
多欣赏 多动力 少挑剔 少气馁
现今的社会，父母大多采用圈出错处的方法来纠正小朋友的欠佳的行为表现，以写字为例，父母会觉得子女写字很「丑样」，圈出「丑样」的字，甚至强迫小朋友重写，否定小朋友付出的努力及能力，令他们变得愈来愈无动力、无自信，好气馁，以致愈写愈差，甚至讨厌写字、逃避写字……
其实，如文中的朋友一样，当父母采用正面的态度和方法，去赞赏和欣赏小朋友做得好的地方，这样不但可以增加他们的自信心，令他们觉得自己有能力完成，从而纠正不当行为的出现，而且同时避免破坏亲子关系，一举多得。所以，父母宜多发掘小朋友做得好的地方，勿经常挑剔！
本文由资深注册社工吴彩辉姑娘（Rainbow）提供
@2023 Healthy Seed
慈慧幼苗授权转载
延伸阅读：
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应