约姜涛AL巴黎饭叙 Wyman争埋单失败

MIRROR成员姜涛和卢瀚霆（Anson Lo）近日到巴黎出席时装周，两人在社交网分享睇骚点滴，又贴出多张靓相，包括与填词人好友黄伟文（Wyman）一齐睇骚及开心饭叙，美味海鲜放满整张枱，大快朵颐。Wyman亦有分享照片，留言笑道：「上次3月伦敦茶叙已经开始夹时间6月巴黎食饭。结果又食到又食唔到又食到又食唔到反覆咗几次，本身已经放弃咗，终于喺两日前又突然『捞』得番（海底捞月个捞），大家牺牲瞓觉时间喺 Paris 10点先开饭食到过咗半夜……」Wyman又自爆负责订餐厅、原本打算请客，点菜时乱叫一通，结果临尾有人偷偷埋单，笑言不习惯年纪细过他的人请食饭。