陈瑞辉澄清无出轨

  MIRROR成员陈瑞辉（Frankie）的女友Christy近日被连番爆出黑历史，Frankie昨日在社交网澄清自己无出轨，可惜女友Christy继续被爆料，曾自揭做另一男士的小三，内容更语出惊人。

MIRROR成员陈瑞辉（Frankie）去年平安夜公开新恋情，近日女友Christy「上水」亲回男友粉丝，却被爆黑历史，被揭私生活混乱兼流出大批性感照，更疑似做第三者。Frankie亦陷出轨风波，被指他与Christy一齐时仍未与前女友分开，Frankie昨日终于在社交平台限时动态回应事件，澄清自己无出轨︰「最近一啲有关我私人生活嘅报道，为皮宝宝同支持我嘅你哋带嚟困扰，我好抱歉。同时都想澄清，我系喺上一段感情结束后，先正式开始而家呢一段关系，希望大家唔好再作猜测。」他又感谢粉丝支持，自觉变得自信、开朗︰「另外，以前嘅我，唔了解自己好睇嘅地方，喺舞台放松唔到，冇信心。我开心大家最近睇到我嘅转变，睇到我自信咗，开朗积极咗，打开咗自己，畀到更多好睇嘅自己大家睇。我知道呢啲注意绝对得来不易，我嘅转变我感受到，我知道大家都感受到。最后，感谢你哋嘅体谅同支持。我会继续进步，继续做好，成为一个更好嘅自己，去报答所有皮宝宝同支持我嘅你哋。再次感谢大家。」
曾扬言玩厌就会踢爆
不过女友Christy再被爆料及流出图片，见她Deep V与一个男子合照，IG Story截图曾经表示︰「其实我真系志在有个人陪下我周围去，𠱁吓我㗎咋。」接着竟然自爆做第三者，并扬言玩厌就会踢爆：「我都觉得做佢条女真系好X阴公，佢哋仲要就嚟五周年，继续若无其事咁庆祝扮恩爱。我玩厌之后一定会爆畀佢条女知，再咁畀人呃落去真系好惨，即管睇下边个识玩啲。」