许绍雄唔介意：今年兴老牛吃嫩草！

绿叶王许绍雄在《家族荣耀之继承者》中，跟陈静（DaDa）演绎忘年恋，他坦言不会抗拒这类角色，更笑言：「今年兴老牛吃嫩草呀！好多只老牛好精神罗！」

现年75岁的绿叶王许绍雄（Benz哥）与佘诗曼（阿佘）多次合演父女，两人再度为《家族荣耀之继承者》扮演父女，更在吉隆坡拍摄时上契。
对于阿佘大爆亲自出马邀请他演出该剧，Benz哥笑言适逢考虑中时，阿佘就致电给他：「初时梁家树（Tommy）总监制无同讲我系阿佘，只讲这个角色，但阿佘同我讲话应承咗啦！我话咁就好啦！」虽然跟阿佘感情要好，但Benz哥直言「丘皓儿」一角，非她莫属，大赞对方演技：「演戏真系天生！当然有啲唔系天生啦！」
戏中的Benz哥与陈静（DaDa）演绎一段忘年恋，他坦言不会抗拒这类角色，并笑谓：「老牛吃嫩草点会抗拒呀！食唔食得到另一回事啦！」谈到跟属新一代的DaDa首度合作，Benz哥笑言大家好快熟落，又搞笑自己好滥交，不过DaDa很乖，对他也很尊敬：「宜家新一代好叻，我哋以前就戆居啲，好听咪纯罗！有嘢分你做就做，唔识增值。」
跟「何生新何太」唔同层次
提到《东张西望》的「何生、新何太」于街市结缘饮汤谱出真感情，有网民把戏中的他与DaDa的忘年恋相题并论。Benz哥笑说：「好似啲层次唔系好啱喎！年龄方面DaDa后生好多，DaDa后生过新何太、王青霞（Chris）。（可觉网民创意很有趣？）唔知系咪今年兴呢啲嘢，兴老牛吃嫩草呀！好多只老牛好精神罗！」近年有指Benz哥移居新加坡，他坦言主要居住香港，但不明白当地人以为他长居狮城：「咪由佢哋以为罗！佢哋锺意讲乜就讲乜，啲人话我移民，我话移你个头，我仲系攞住特区护照！（网上指你是新加坡籍？）伸直就有！哈哈！我系可以长期居留，但未入籍。」纵横影视界50多年的Benz哥，谈到演艺上可有目标？他笑说：「钱罗！养妻活儿，无忧？都忧！又有钱又有人同你去玩，点解唔做？我由头到尾都唔觉辛苦！锺意就唔会闷啦！」问到可会像胡枫（修哥）永不言休？Benz哥坦言会，但毋须做得太辛苦。他说：「做人要有寄托，唔系好快魂归天国！」