两童刑毁优品360一感化

（星岛日报报道）天水围两家「优品360」于去年多次遭人破坏，其中一名十四岁男童被裁定刑毁罪成，水佳丽裁判官（见图）昨连番质问被告：「出咗气喎，打烂人哋啲嘢，应该好开心㗎？」并告诫男童称：「你肯每一日去帮人，而非做破坏，呢个社会会因为你变得更好。」最终判其遵守十八个月感化令。另外，曾三度破坏优品360的十三岁印度裔男童昨亦承认三项刑事毁坏罪。水官直斥其行为「唔知做乜，不知所谓」，「三次呢啲咁嘅行为，系咪好舒畅？舒服晒？出咗啖气系咪？你对呢家铺头嘅人公平咩」，裁判官将案件押后至二月十九日判刑。

首案十四岁男童于去年二月二十四日在天耀商场内的优品360内，推跌店内商品及破坏收银机。水官质问男童指：「你有咩咁多不满？与其去破坏，去做一啲嘢可以去帮人，希望你嘅聪明用喺啲啱嘅事上」，最后水官考虑到男童患病，或较容易受朋友影响，加上本案只涉及一次事件，被告的角色只是跟随者，乃判他接受感化。

另案涉及的十三岁印度裔男童昨承认三项刑毁罪，发生于去年二月一日及二日在天水围嘉湖二期地下的优品360内为其他破坏人士「睇水」，以及在去年二月二十四日在天耀广场的优品360内损坏店内货品。

水官判刑时质问男孩：「三次呢啲咁嘅行为，系咪好舒畅？舒服晒？出咗啖气系咪？你对呢家铺头嘅人公平咩？」并特别提到男孩作为在港的少数族裔，中文「又识讲又识写，好难得」，希望他能「谂清楚自己喺度佢做紧啲咩嘢，当你唔考虑清楚，后果唔单止要你面对」，并着男童要深深反省，「你仲细，喺香港仲有前途」。案件编号：屯门刑事七○○○二四及七○○○○一──二○二一。