洪卓立為6月佛山演唱會操到癲

洪卓立（Ken）昨日到廣州出席「音樂先鋒榜31載榮耀盛典」。Ken繼去年奪得兩獎後，今年再接再厲，分別奪得「最佳現場演繹獎」及憑歌曲《獻醜》獲得「先鋒金曲」兩個獎項，為6月的佛山演唱會打了一支強心針。


近來努力健身的Ken當晚以一身綠色西裝襯白色恤衫現身，綠色西裝褸以金色閃漆作點綴，既斯文又有型，一出場fans已經嗌破喉嚨，Ken亦現場演繹歌曲《獻醜》。獲得兩個獎項的Ken表示非常開心、非常榮幸及感恩，但又有少許慚愧，「因為上年嘅錄音過程並唔係好順利，有好多阻滯，所以上年其實喺音樂方面只得呢一隻歌推出咗，但大家都喜歡呢隻歌，所以非常高興。」佢表示今年將會全面回歸音樂，「今年會出3隻歌，六月喺佛山亦會有個音樂會。」

問到音樂會備戰得如何？Ken說：「keep住練歌，體能上亦都好努力訓練，每日都做至少兩個鐘頭gym，真係操得好甘，操到個人都散咗，不過見到自己每一日都有進步係開心嘅。」除此之外，Ken仲話：「8月份希望喺香港有啲嘢可以發生到啦。」fans們拭目以待啦！