【是日立夏】天文台FB提「全身暑假」 網民：後生仔女唔識㗎

雖然外面陰風陣陣帶點涼意，最高氣溫只有22.8度，但其實是日已經是代表夏天的「立夏」。天文台也是應節地在Facebook專頁上載一張模仿容祖兒2001年所推出《全身暑假》的MV截圖，配上「度天隊長」以及歌詞「全身暑假 投奔初夏」，認真創意，吸引網民讚好。

有網民稱，「咩歌嚟㗎？我地啲後生仔女唔識㗎喎🤣 #隊長好老呀 #老嘢先用FB」，結果「度天隊長」都扮後生說「同事叫我影㗎咋，我咩都唔知呀，歌嚟㗎咩？」，有網民更二次創作原版MV截圖。有網民就戲稱，「咁如果我想頭髮生長茂盛係咪去淋一淋雨得嘞？」，結果隊長說「如果再唔保護環境，啲酸雨淋兩淋，頭髮都無呀」。

天文台指，「傳統上象徵步入夏季，整體嚟講氣溫繼續上升，雨水逐漸增多，萬物生長亦更加旺盛。留意嚟緊幾日天氣都唔係咁好，出街記得帶定遮啦」。

根據天文台記錄，最熱的「立夏」是1952年，當年最高氣溫達到32.4度，最低氣溫也高達27.2度；而最涼快的「立夏」是1999年，當年最高氣溫只有21.6度，最低氣溫也只有17度。

一股清勁至強風程度的偏東氣流正影響廣東沿岸。同時，一道低壓槽為廣東及南海北部帶來驟雨。預測多雲，間中有驟雨。氣溫介乎20至23度。吹和緩至清勁東風，離岸間中吹強風。