鄭中基爆仔仔怕入戲院 方力申讚配音員勞苦功高

鄭中基（Ronald）和方力申到沙田出席電影《POKÉMON 神探Pikachu》首映，Ronald太太余思敏和一對仔女都有到場。Ronald和小方分別為比卡超和人類主角Tim配音，Ronald表示配音當日因為剝牙而打麻醉針，配音時有半邊臉還未有感覺，幸好順利完成。Ronald又話雖然不擔心口齒不清，但因沒有知覺，怕咬到口流血及食熱食不知溫度。

配音當日仔女都有來探班，Ronald笑言很想兒子為「Pika Pika」這一句配音，因他扮得非常似。問到一家人是否經常入戲院睇戲？Ronald大爆兒子怕黑之餘，又曾被戲院的音響聲嚇到，所以入場後都要離開，「那次帶他去睇最鍾意的恐龍，但他都驚到要走，搞到我都無得睇，最後要返屋企陪他睇碟。」

至於小方則花4天才完成配音，他表示配音時是看黑白毛片，畫面不清楚。他又笑指用聲音去感動人原來不容易，並謂很佩服配音人員，因他們永遠都不見樣，勞苦功高，今次也學到很多。