做代言答謝救女之恩 毛舜筠爆細女當年患豬流感

毛舜筠為代言8年的保健食品於布袋澳拍攝新一輯廣告，去年榮獲金像影后再次代言，被問酬勞可有倍增？毛姐坦言品牌董事長陳曦齡醫生是她的恩人，因此是講心不講金。她說：「陳醫生係我恩人，當年細女患上豬流感，無人敢醫又話要隔離，係陳醫生救返我細女。做代言人係我主動要求，因為諗唔到有咩可以報答，咁當然都有酬勞。」可會夥拍女兒拍廣告？她則笑說：「陳醫生無呢個要求，亦知道我兩個女唔鍾意做幕前。」
毛姐謂現在忙於拍攝廣告及經營曲奇店，已忙得不開交，並笑說：「每推出一個新產品都有好多嘢處理。」選擇劇本是否更謹慎？她說：「一向揀劇本都好謹慎，一部就中，好似《黃金花》、《淪落人》咁。（現在有沒有劇本打動到你？）仲傾緊。」