【安心出軌】梁裕恆不忿被指抽水反爆料：有人想夾女藝人上房

於「安心出軌」事件上力撐黃心穎是受害人的落選港男梁裕恆（Flow），疑受壓力下日前刪除有關發文及片段，當大家以為隨著心穎避走美國、鄭秀文在原諒老公許志安出軌後，再發文謂已從黑暗稍見天晴，回歸正常生活、不想浪費時光，及不會再說這事後，事件終於暫告一段落，但Flow今日又再在社交平台，上載遭網民狠批留言，稱：「最後一次提及《安心事件》」，他澄清：「刪除post既（嘅）原因是因為我知道的 要說的都已經說完 對我來說已經告一段落 再講就長氣 老套 事實證明裝睡的人是叫不醒的」、「我一直既（嘅）觀點只有幾個：1.她是有錯 2.在被男方欺騙那一點上 她也是受害人 3.四個人既（嘅）關係並唔係大家所知咁簡單 4.同樣事情娛樂圈或社會上不斷發生 唔洗（使）咁樣至（置）人於死地」。
除了自辯沒盲撐、揭現今娛樂圈虛假形象一面，Flow亦撐：「我認為裕美既（嘅）回應 大方又中肯 但都要比（俾）所謂既（嘅）網民鬧 她幾個家姐完全唔關事 都比（俾）人留言洗版 有個人講得好岩 係呢件事上唔踩多佢一腳就已經係敵人 講番句公道小小既（嘅）說話已經要被攻擊 其中一個原因是 人是不願意接受自己一直相信既（嘅）事係假的 錯的 我一直無意挑釁所謂既（嘅）網民 錯在我不知道香港是無言論自由的」。
Flow說網民留言反映他們的層次，「我一句都懶得回應 對我來說不痛不痕（癢）」，並叫大家反省網絡欺凌問題 曾經有人因為網絡欺凌而輕生 很可惜」。不過最爆是反駁被指借事件抽水，爆料說：「今日又有另一條契弟出離話我抽水 我需要抽水？我需要搏出位？呢條契弟係娛圈圈壞事做盡 曾經想夾一個女藝人上房 最後傾唔掂數 對人講左（咗）句『你以後無運行』自己周身屎既（嘅）人 做咩要提及我d（啲）小人物 抽我水呢 人人都想抽水 但水並唔係咁抽」、「發生這事後有三個傳媒想約我出來做專訪 我都推了 如果想出位 怎會推辭 我在網上一直有評論政治 社會問題 好多朋友提醒我做呢行 唔好講政治啦 但我性格就係咁 唔岩（啱）就要出聲 搏咩出位ja（啫） 我根本唔洗（使）靠呢行搵食 對我來說 簡簡單單夠食夠住 做人對得住自己良心就可以」。