首當花旦拍愛情喜劇班底超正 楊詩敏演靚女朝金像獎進發

楊詩敏（蝦頭）和莊澄出席「第六屆全港中學微電影創作大賽」，蝦頭透露於6月為無綫拍一套愛情喜劇，今次可嘗試踏入做花旦的門檻，亦不擔心要日以繼夜拍攝，因為見到好多無綫花旦愈拍愈靚。她大讚今次班底最正，當中有陳豪、曹永廉、蕭正楠等參演。她說：「其實個個男神我都錫過，監製羅永賢話我今次角色好多男朋友，直頭要禁慾停一停，會同曹永廉有感情線，跟他們好老友，所以合作時應該好多火花。」

蝦頭笑言，經常跟阿廉一班人玩，已覺得好搞笑，加上好多角色設定未見過，相信會好多驚喜，今次她的角色要做一個靚女，所以應該會多靚衫著，也要讓自己一路靚下去，並要戒麻甩。蝦頭表示，舞台劇界的袁富華於金像獎奪得「最佳男配角」，她也希望朝著「金像獎」進發。

評審之一的莊澄謂，每屆參與比賽的學生的水平一直增長，去年有位學生的作品好出色，今年初級組的表現也不錯。他說：「以前好多技術問題，依家會容易很多，可以用手機拍攝後去剪片。」