【維港會】酒樓食叉燒飯驚現鐵針 網民險吞怒斥「謀殺呀」

外出吃飯真的要多加留神！昨日有網民在社交網頁群組「Fanling 粉嶺」發帖，指在區內一間酒樓買了一盒叉燒飯，豈料其中一舊叉燒驚現「鐵針」，事主驚訝，斥「謀殺呀依家？！」網民得悉紛紛留言，轟酒樓「食安做得唔夠」、「想攞命！」，有網民懷疑「是針筒支針頭嚟架」，叫事主「報食環啦」。

事主Andy Poo昨日在Facebook群組「Fanling 粉嶺」發文炮轟一間酒樓的叉燒有針，直斥「食個叉燒飯都要搵命博？唔係講笑，謀殺呀依家」。事主指，「好彩我望到唔對路，用手指摸落去」，點知發現「鐵針黎」，更指有「一隻手指公咁長」，他說，好在發現得早，不然「咬落去真係成口血」。

網民對事件感驚訝，有網民分析相片內的「鐵針」，從外型和大小來睇，估計是針筒的「針頭」，更有人質疑源頭來自供應商，指可能「幫啲豬打針嗰陣漏低？」、「應該係隻豬仲在生嘅時候，打激素之類嘅針筒頭」。亦有網民指擔心「支針有菌有毒」，質疑酒樓食物安全出問題，建議事主向食環署反映事件，取回公道。