蔡明思 陳詩欣 鄺潔楹high tea撞袋 奇招免尷尬

早前宣布將於年底成為人妻的Super Girls成員蔡明思(Jessica )與同公司的陳詩欣(Eunice)及鄺潔楹(Judy)，早前於觀塘為手袋品牌拍攝宣傳短片，講述3人約「high tea」時竟然「撞袋」，為免尷尬即場為手袋「扮靚」添置飾物。

今次是3位第二次一起合作，Jessica與Judy笑言她們3個女人當時已無所不談，由工作講到拍拖、結婚生仔等話題，Judy表示︰「上年一齊做嘢後，大家一齊high tea，不過係去食北京填鴨，諗番起都覺得誇張。」

提到今次拍攝，Jessica坦言女生撞衫、撞袋及撞鞋十分常見，之前亦試過跟人「撞裙」，她表示：「之前試過一次，幸好對方是熟識的人，於是便跟她開玩笑，還一起影相。我覺得如果對方是不認識就會好尷尬。」Eunice則稱經常與好姊妹余香凝撞衫撞袋，不過她直言是與對方心有靈犀，大定品味都好好。

此外，3人坦言平時都愛買手袋獎勵自己，Jessica直言至少每年買一個，Eunice每次行街看到心儀手袋便會「出手」，她表示︰「因為唔同場合，用唔同袋去襯衫嘛！」而Judy則最誇張，她表示︰「我好鍾意儲手袋，之前讀完大學未入行，去了一間時裝公司工作，因為有員工優惠買袋平啲，結果工作一個月就買了3個手袋，賺的錢都唔夠買，冇儲到錢之餘要自己倒貼，媽咪當時都有鬧我，話我未學識賺錢就買咁多袋，之後我都有忍手，現在都係因為獎勵自己努力工作先會買。」