【維港會】落雨收工趕歸家遇窩心九巴車長 乘客盛讚「巴士界清泉」

下大雨又遇上放工繁忙時間，難免會較為心急。不過有網民就分享乘搭巴士時遇到好車長的經歷，令整車乘客都大感窩心！

網民Lamhiu Akatsuki在facebook群組「Tai Po 大埔」以「好人好事」為題發文，她指昨日乘搭巴士時遇到一名好車長，令她與整車乘客覺得非常溫暖。網民指自己昨日在放工繁忙時段乘搭274X巴士回大埔，她形容「再加落雨又冇帶遮真係好慘」，因為當時往觀塘方向遇上塞車，導致巴士未能趕回總站，令班次較疏，因此巴士車長多次呼籲乘客站進去一點，「請大家再企入少少希望下一個站盡量上多幾個乘客，因為大家收工都好想快啲返到屋企！」全車的乘客亦非常配合，令她覺得感動。

巴士客滿後，車長再次細心地提醒乘客要站穩，更「再三確認要落車嘅乘客已經落曬車先閂門開車」，甚至擔心有乘客的手袋會不小心碰到八達通機而被扣錢，所以主動關掉八達通機，非常貼心。巴士抵達大埔後，車長又「確認所有要落車嘅乘客落曬車先再開車」，而開車前又提醒乘客要扶穩才開車。

該名網民盛讚車長是「巴士界清泉」，但對方只是謙稱是自己份內事，令不少乘客都讚不絕口。網民亦指車長溫暖了他們一整程車，她更稱讚車長的駕車技術好穩定，「手車仲好穩定，一啲都唔chok」，更表示會寫信給九巴表揚姓徐車長。