【安心出軌】首開腔稱感悔 黃心穎：對唔住馬明

歌手許志安被爆出與藝人黃心穎「偷食」，無綫助理總經理（藝員管理及發展）樂易玲表示，昨有與主角之一黃心穎接觸，「昨晚同心穎傾咗好耐，佢好後悔好後悔，佢知道自己犯咗好大嘅錯，佢好對唔住受牽連嘅人，特別係父母及家人，對唔住公司，對唔住馬明同馬明嘅屋企人。呢一刻佢嘅情緒仍然未平伏。公司覺得佢需要休息一段時間嘅。」

樂易玲表示：「琴日好多記者搵我，我話想沈澱一下點去處理這件事，同公司及同事商量點去回應。

另外，樂易玲表示：「馬明話佢OK，大家唔使擔心佢。馬明佢好乖，佢自己要求繼續開工，叫大家唔使遷就佢，所以佢今晚會繼續如常開工拍攝降魔的外景。」