【Talk房】辛苦儲百幾萬首期仍未能上車 連登仔嘆只能買納米樓

不少人窮畢生努力求一個安樂窩，但仍然敵不過有升無跌的樓價。有連登仔發文呻工作數年，終於儲到百多萬元，打算借盡購入約600萬元的兩房單位，以為望見終點可以「上車」之際，被地產經紀潑冷水，嘆這個價錢只能買到納米樓。

連登仔「巨龍的自摸」在論壇發文，呻一心儲百多萬首期，就可以借盡買入600萬元兩房單位，「好辛苦做咗幾年嘢，終於儲到球幾， 諗住借盡可以買到600萬左右嘅樓，雄心壯志咁去到地產舖。xx星，我戇戇xx咁問個agent，我想搵600萬兩房嘅， 佢望下我然後得啖笑。我再望一望呢個價錢原來只係買到啲納米樓。」

他慨嘆以為儲到百多萬就可以上車，但原來仍然「上車」無望，「我辛辛苦苦，死慳死抵，揸住百幾萬走落去，以為自己都有啲錢，原來只係個死窮x，揸住百幾萬都要畀個aa歧視。」

不少網民對事主深表同情，「大西北啦，大把兩房五字頭」、「今時今日得百幾萬真係好少，買間30幾年樓齡黄埔389呎細兩房都要近7M，即係首期連税3M以上」。

亦有網民教路先在新界西北等地區「上車」，再追回樓價升幅，「嗱嗱聲大西北都上咗車先啦，買咗層樓有層樓幫你追個升幅，到時再儲錢換樓就易好多啦，等下等下，遲下就冇x哂600萬樓架啦，香港好多有錢人嫁，其實十萬蚊一呎大西北好多人都覺得好平」。