嘟姐爆肚「我退休你哋有咩做？」 農夫直認難招架

鄭裕玲（嘟姐）跟農夫出席記者會，播放他們為保險公司拍的廣告片段，農夫於片中扮女裝，玩味十足。農夫大爆拍攝時被嘟姐爆肚：「我退休你哋有咩做啊？」，令他們難以招架。

嘟姐則說：「你哋有時我都招架唔到，呢啲叫互招架。」陸永笑說：「你可以權威壓我哋嘛！你有權威之外，仲有智慧。」那農夫可怕嘟姐退休？陸永笑說：「係當日嘟姐講出嚟畀我哋去思考！我諗都仲可以唱歌嘅。」嘟姐重申暫時未退休，C君即說：「好彩啫！」

對農夫扮女人，嘟姐說：「咦！真係好肉酸，太肉酸，個樣都唔親民。」問到C君可嚇親未婚妻？C君笑說：「我做男人都嚇親人㗎啦！佢應該已經習慣咗。」陸永笑說：「阿嫂係視障加好大膽。」問到嘟姐可會出席C君12月舉行的婚禮？嘟姐笑說：「當日無咩做咪去囉！我擺低人情，影張相就走，太夜喇！」C君笑說：「哦，咁你擺抵咗人情，唔影相都得，相我發返畀你囉！」（攝影：駱震寧）