重提公大怒斥學生事件 陳奕迅：搞到咁尷尬我都唔開心

陳奕迅（Eason）日前於公開大學舉行《L.O.V.E. in F.R.A.M.E.S. 放映及分享會》，爆出當日Eason不滿學生在台下玩手機感覺不尊重，隨即黑臉請學生離場後，Eason連日來繼續到其他大學進行分享之旅。
Eason昨日到城市大學分享，先由DUO團隊之一的恭碩良先在台下搞笑叫學生們：「你哋要小心啲個電話，你哋仲玩個電話，放低個電話！」然後見到有學生舉手機拍攝他們在台上講話時，Eason不阻止，還說：「拍緊冇所謂，Sorry我唔需要解釋嗰日嘅嘢，總之你哋投入緊成件事就得，你唔鍾意可以唔喺度，其實冇所謂。嗰日個場同呢度差唔多距離，噚日理大係好遠好黑，佢做乜我都唔知。Anyway，唔緊要，唔係重點。」
主持乘機鼓勵Eason再說這事，Eason即謂：「你自己無端端入嚟聽歌睇戲，其實有咩用，點解你要喺度？我好哽眼見到，見唔到咪算囉，我可以一路咁樣（反白眼）！我喺台度諗過好多方法，譬如我都拎個手機出嚟，但我驚我做呢樣嘢，大家Focus喺我度，我影響緊台上其他人，其實點都影響到啦原來。我其實有諗住玩啲，未去到咁㷫時，落去台睇下：『咦！你玩緊咩呀？』我以前會用呢啲方法，『咦！嗰度咁得意有綠色字寫住EXIT，不如你出去吖！』即係可以玩啲。」Eason更謂：「人就係發脾氣唔係幾好受，自己都好唔開心，我搞到咁尷尬我都唔開心，因為影響埋其他人，件事我唔係想教育任何人，我只係做緊個反應。」