新歌教人斷捨離 陳健安被MV情景點化

組合C AllStar成員陳健安（On 仔）為個人發展第二撃的新歌《告別的藝術》拍攝 MV，這歌由On仔親自作曲，首歌主要教人「斷捨離」，積極得來帶少許傷感，片中幾個場景，代表著每個身份角色要去面對及道別的事情，其中一段導演找來一位小妺妹演出。On仔説：「小妺妹好可愛活潑，完全不受控制，自己發揮。不過就係因為咁而擦出好多火花，佢無意中為我哋製造咗好多好有感覺、好靚嘅畫面。」
On仔指其中一個鏡頭，小妺妹見到一灘水，便赤腳直衝過去，然後跳上跳下，自顧自地踏水。他説：「我一邊睇住佢一邊諗，當我哋將生活入面唔需要嘅攞走，個人便會變得更加輕，然後就可以回歸到好似小朋友咁，完全沒有負擔，可以自由自在咁跳，已經好滿足好開心。」
On仔稱人由出世開始，就已經歷各式各樣的失去，由被媽咪抱住再放回BB床，到玩具被爸爸媽媽丟掉；大個會失戀、跟朋友分別，甚至失去最珍惜的人。「失去過程可能會令你覺得好慘痛，希望呢首歌可以提醒返大家，唔好沉醉喺呢種傷痛入面，唔好俾呢啲情緒成為你生活入面的絆腳石！」