宣傳新劇拍攝點滴 陳家樂三句唔埋又講陳瀅

陳家樂與姜麗文、王子涵等作客節目《兄弟幫》，分享拍攝劇集《廉政行動2019》點滴。陳家樂透露監製林超賢收到劇本後，總覺得有點缺失，因此加拍了一場超級勁的飛車戲。他笑說：「我一路都想拍飛車戲，但都唔係我揸車，係陳瀅揸。不過佢手車係好辣，佢成日笑我揸車唔叻。」
家樂透露劇集已煞科好幾個月，因為演員、導演跟幕後都各有各忙，一直未能約實舉行慶功宴。他笑說：「我哋演員真係好想慶功，因為拍得真係好開心。但導演們同幕後已經入咗第二個劇組，所以我哋用有獎金獎品引佢哋嚟食。（你出幾多？）陳瀅都話5位數（以萬計），咁我都要啦！」隨後家樂就要出發到墨西哥繼續林超賢執導的新片《緊急救援》外景，他希望可趕及回港出席金像獎頒獎禮。（攝影：譚志光)