擇偶條件要好過前度 麥明詩力保女神Feel等相睇

麥明詩以一身仙氣打扮出席潔膚品牌活動，表示拍劇很多時都沒時間睡覺，因此回家洗澡是很重要一環，亦會選擇有香味的沖涼液。是刻意追求香味？她笑說：「係我身邊嘅人追求。我都會用香水，但約會噴太多香水，怕令到對方覺得對佢有意思，唔夠矜持，我係低調矜持路線。」

麥明詩昨日在instagram貼上2015年同屆港姐羅丹虹（Ann）的訂婚派對照，她透露作為媒人之一，Ann的未婚夫Edward是她師兄，大家在男女拔萃活動中認識，一次偶遇為二人牽紅線，Edward更承諾「找數」給她介紹男生。麥明詩坦言約會正在籌備中，她亦努力保持最佳狀態，笑說：「唔覺得我靚咗咩？女神feel出返晒嚟！」談到擇偶條件，她笑說：「要聰明。（靚仔呢？）我唔追求靚仔，好過之前嗰個就好，人係應該追求進步。」（攝影：羅安強）