Do姐送飛睇BTS 陸永兩公婆場外等大女

韓國男團防彈少年團（BTS）昨晚於亞博館舉行一連4場演唱會，不少粉絲撲唔到飛，慨嘆一票難求，當中包括陸永大女Hannah。
幸得「Do姐」鄭裕玲送飛，Hannah可以入場睇演場會。不過搞笑的是，陸永及老婆Reina無份入場，只能做廿四孝父母，在場外等完場，陸永昨晚喺社交網上Do姐同Hannah合照，多謝Do姐送飛，仲話「兩位少女心梗係約埋入去睇bts啦！一對中坑父母梗係喺場館外面等啦。」
Reina亦喺社交網站分享Hannah場內片段，Hannah全程揮舞應援燈一邊唱韓文歌，非常投入。Reina笑指「High過睇老竇演唱會」。