維港會：要求開輪椅升降台 港媽：小朋友好奇想玩吓

家長為了滿足小朋友的願望，竟要求商場職員開啟輪椅人士專用的升降台！

有於商場任職客戶服務員的網民投稿到Facebook專頁「西客之道 HIspitality Secret」，指遇到一名野蠻港媽要求他開啟輪椅人士專用的升降台給小朋友玩耍，惟職員以「只限輪椅用」為由拒絕，遭港媽狂鬧。

投稿人指平日商場會鎖起輪椅升降台，但有港媽就帶同兩個小朋友要求他開啟升降台，於是他詢問對方輪椅在哪，港媽聲稱︰「小朋友好奇想玩吓」，而兩個小朋友就在旁施「嗲功」：「叔叔開比我用啦」

不過投稿人拒絕開啟升降台，因輪椅升降台只供輪椅人士使用。小朋友向港媽哭鬧扭計，港媽更狂鬧投稿人：「有冇搞錯，小朋友想體驗吓都唔得」，又指責對方懶，所以不肯開啟升降台。

不少網民留言大鬧港媽，有人話「好憎聽到乜都話小朋友乜乜乜 咪就俾小朋友體驗吓」，有人就指如果職員開啟升降台，其他人看到可能又要求使用。