沙拿唔生性屢失良機 利記悶和「拖肥」失榜首

英超上演默郡打吡，利物浦皇牌沙拿兩度埋門失機，只能作客與「拖肥」踢成0比0，痛失兩分，被曼城搶去榜首位置，以29戰得70分暫落後1分排第2，聯賽尚餘9輪，紅軍爭標由主動變被動。

利物浦沙拿28分鐘取得單刀機會，惜過不到愛華頓門將比克福特。換邊後56分鐘，沙拿再度突破愛華頓防線，但遲遲無法起腳終被對方後衞刪走，其後紅軍換入羅拔圖法明奴加強功力，但未能打開紀錄，最終利物浦痛失寶貴兩分，同時失去榜首位置。