【好人好事】搭車遺鎖匙八達通竟失而復得 張嘉兒：人間有愛

正懷有第二胎的前港姐冠軍張嘉兒雖然腹大便便，但仍然非常活躍，早前與老公到馬爾代夫二人世界後，近日又與朋友相聚，但就一時大意在小巴上遺下八達通及鎖匙包。因為遺失了起碼3個小時才發現，嘉兒都作最壞打算，詎料多口向小巴司機查問，最終失而復得，令她大為感動，直言「人間有愛啊」。

嘉兒在社交平台分享好人好事：「人間有愛啊。今日坐完去跑馬地30號小巴後唔見咗八達通同埋鎖匙，之後同朋友食嘢食咗3個鐘，都諗住唔會再搵得返我個八達通同鎖匙。點知走嗰陣時乘搭返30號小巴，多口問下司機會唔會執到，佢好小心咁問咗我幾句確認鎖匙包主人係我，然後話佢哋有另外個同事執咗，實在太感動啦。多謝跑馬地30號小巴司機們。」

嘉兒在帖文形容自己是「論盡大肚婆」，又說因為鎖匙包是老公所送，所以都希望尋回，最終能夠失而復得，她不禁謂「實在太幸運啦」。