維港會：睇戲期間兩人四機捉精靈 觀眾嬲爆：騷擾其他人睇戲

睇戲時安靜、關電話是基本禮儀，近日有網民到柴灣戲院睇戲時，發現同場有觀眾在睇戲期間用四部電話和平板電腦捉精靈，電話發出的光騷擾其他觀眾，引起討論。

該名網民昨在Facebook專頁「柴灣人柴灣事」上載圖文，稱是代朋友發文，指在睇戲期間，拍到前面有觀眾用四部電話捉精靈，「戲院熄晒燈，發覺點解有光，前面原來捉精靈，仲要4部一齊進行，點解要入戲院捉，騷擾其他人睇戲，入戲院不是睇戲嗎？完場後，仲要繼續⋯⋯⋯⋯真的捉少一陣都唔可。」

有網民認為，遇上這些情況，應出聲勸籲，「淨影底冇用架喎，要出聲先得對付呢啲人」、「自私到一個點」。亦有網民質疑事主為何不立即出聲找職員協助，「點解唔出聲？」。