喜愛買珠寶 劉嘉玲:我就係老公最值得的珠寶

劉嘉玲出席名貴珠寶展覽，她手戴巨型紅寶石戒指兼穿著透視馬甲襯黑外套，相當搶眼。劉嘉玲笑言年中也會買些珠寶，要獎勵自己，但隨著年齡增長以及經濟條件，會買的珠寶亦不同。她說：「每個階段不同，初時鍾意白鑽，依家鍾意紅寶石，亦好難搵到。」談到老公梁朝偉可懂得欣賞珠寶，她說：「佢識欣賞我就得，我就係最值得的珠寶。佢都會製造驚喜送珠寶畀我，但我習慣自己鍾意乜都可以買，好理所當然。」

提到她在上海擁有的豪宅，她表示是媽媽居住，香港的「花樣年華」豪宅則用作宴客，而在其他地方沒有投資物業。她說：「唔好講到我地主咁！香港呢啲物業係由我識賺錢而買。海外都有諗過投資，但力不到不為財，仲要維修，自己住唔到好浪費，又唔捨得租出去。買珠寶就可以攞走，隨時戴在身上。」

談到與老公梁朝偉出國滑雪，何時返港，她表示之前與老公去日本滑雪，自己再去澳洲，對方現時仍未返港。嘉玲又指老公現時會玩滑浪、越野單車，更笑謂老公在當地不用戴口罩，就快會有人認識。問到老公是否想做業餘運動員，嘉玲認為有健康嗜好就好，又講笑指「當畀旗下藝人放長假期」，嘉玲續指：「離晒大譜！靠佢就慘！不過佢鍾意就得，佢搵緊突破點，好多人搵佢好多劇本。（為老公篩選劇本？）我無資格篩選，只係pass畀佢，我好明白要抖下搵新方向。佢一個咁好演員有90幾分，要再突破自己好難，希望佢可以搵到一個新高峰。」

提到「財政預算案」向電影發展基金注資10億，擴大首部劇情計劃的規模及資助額增加一半，同時將電影融資計劃的製作上限提高。她說：「好好消息，係強心針，香港不應放棄。有咁好先天條件，咁多專業人才，之前香港帶領亞洲電影，唔可以畀人過頭，所以不要放棄，政府一早要咁做。」談到政府會注資2000萬復修孤本、菲林電影，她直言應該建設博物館，更認為大家有責任推動香港電影。