維港會：巴士拋錨乘客鼓譟要開車門 車長捱鬧冷靜應對獲激讚

近年車長慘成出氣袋，不時遇到無理的乘客。有網民發帖指上周乘搭巴士前往天后，期間巴士在東區走廊中線拋錨，雖然司機已經即時致電公司及報警，惟車內不少乘客為趕返工，大感不滿及鼓譟，甚有人出言怪責車長，以及要求開門下車。惟司機仍然保持冷靜解釋。事件引發網民討論，有人留言大讚司機專業，亦有人慨嘆社會怨氣重。

該名網民在facebook群組「柴灣人柴灣事」發帖，指上周乘搭8P線新巴前往天后，巴士駛至鰂魚涌公園對開時突然拋錨，停在6條行車線的正中間位置，左右兩旁不斷有車飛馳駛過。司機在短短一分鐘內已經完成報警及通知巴士公司，惟車上部分乘客仍然感到不滿，不停叫嚷「開車門啦！比人落車啦」、「停係路中心有冇搞錯呀」、「停埋一邊起碼可以落車嘛」、「返工㗎嘛！早知搭早一班車！」、「啱啱經過架巴士點解唔接我地呀？」、「好停唔停停係路中心，睇下後面邊架發雞盲撞埋嚟撞死曬成架巴士啲人囉」。

面對抱怨聲不絕，車長仍然保持冷靜，與乘客解釋「我而家通緊電話，你哋如果太大聲嘅話，我就聽唔到㗎啦！」乘客聞言才稍為安靜片刻，而車上部分年輕人亦有向鼓譟的乘客解釋，「個司機梗係唔俾你落車啦！開咗門實有人沖落去架！一陣間有咩事到頭來又係賴個司機！」，而樓主亦出聲幫忙勸說：「係呀！其實司機都係跟公司指引做，而且佢已經第一時間通知有關部門，應該有交警嚟緊！」

此時有乘客禮貌問道：「架車好焗呀，可唔可以打開車門啊？」司機隨即打開司機位旁邊車門，惟以防車上乘客衝下車造成意外，未敢打開車身中間車門。約10分鐘後，交警趕至現場，並指示一輛2X線新巴停車，讓所有人過車，期間車長一直協助指揮，並向乘客表示歉意，目擊整個過程的樓主在下車時則向車長表示「唔該晒，辛苦晒」。

樓主在帖文中批評部分乘客無理取鬧，「點解壞車嘅時候第一件事會諗到要開門落車？要返工就唔理自身安全？壞車唔係司機安排，又點揀停係邊先嚟壞呢？趕住返工或者怕比老細鬧無可厚非，但乜返工緊要過條命咩？」。他又指，聽從別人專業的安排，除了是一種尊重，同時亦是理智及正常到不得了的行為。「除非你話已經焗到暈，或者已經過咗一個鐘頭都仲未有人接，到時先鼓噪都未遲掛！」他在文中最後，更感謝當日車長冷靜、專業及禮貌的表現。

帖文引起網民熱論，有人留言大讚司機專業，亦有人稱讚樓主懂得體諒他人，「多啲人諗多幾步，畀多啲耐性，香港真係會少好多紛爭」、「的確社會壓力令香港人太多埋怨，有時有機會就會唔放過」。