31歲生日出新歌 馮允謙願望環遊世界激發創作靈感

創作歌手馮允謙（Jay）今日（22日）31歲生辰，生日最好就是工作中度過，陽光普照好天氣當然是拍MV好時機，期間同事悉心安排生日蛋糕突襲拍攝現場，令壽星仔好驚喜，他的生日願望是環遊世界激發創作靈感，新一年誓做多產唱作人。
接近3年沒有推出新歌的，Jay加盟寰亞後積極創作，新歌《聲音導航》即將面世，MV由RubbeBand的6號（繆浩昌）擔任導演，在香港機場的戶外取景，原本在機艙的座位放在草地上，不斷升降的航班做背景，畫面有趣。雖然在海邊被大風唱到頭髮亂了，但Jay生日心情大靚，說：「生日願望係出多啲trip，多啲出埠工作，我要環遊世界，去多啲地方攞多啲靈感寫多啲歌，生日出新歌好唔好？」
笑容燦爛的馮允謙充滿正能量，新歌亦是為新生代打氣。他說：「今次新歌有好好嘅訊息，就係『Living in the moment』活在當下，好多大學生或者畢業生，剛踏足社會工作，搵唔到方向、好迷惘、唔知點算，呢首歌鼓勵大家唔好緊張，人生短暫好好享受呢刻，放輕鬆就自然會感受到自己嘅需要、搵到方向。」