Ben Sir睇星爺新片感觸大 :未有成績時無人睇得上你

歐陽偉豪（Ben Sir）以表演嘉賓身份出席新城財經台的活動。Ben sir提到對周星馳執導賀歲片《新喜劇之王》有好大感受，坦言戲中故事寫出好多演員的辛酸，自己入行後也曾體會過無被人理會的經歷。
他說：「在每個行業未有成績時，都係無人照顧你或睇得上你，即係要爭取，所以個訊息好正面，雖然故事好簡單，努力同奮鬥係上集嘅口號，但呢個口號其實日日都要經歷。」
他表示戲中的王寶強演過氣演員與新演員鄂靖文互相撞擊啟發對方，正如自己與學生傾談一樣，兩代之間去影響大家。
他又透露，會參與新一輯《Ben sir研究院》外，年中亦會參演音樂劇，而且有兩個廣告拍攝，稍後更參與華姐活動，去考驗一班佳麗的廣東話。問到今年是否豬籠入水？他說：「笑口常開！」